Денес работниците од ЈП Брегалница Делчево го изразија својот револт на мирен протест пред општина Делчево каде што се одржуваше седница на советот на општината кој воедно е основач на претпријатието.

До советот на општина Делчево пред 7 дена од страна на СО на СУТКОЗ при ЈП Брегалница Делчево е доставен допис во кој се наведени барањата на вработените за исплата на плата, придонеси за здравствено и пензиско осигурување на вработените како и барање за финансиско помош за надминување на состојбите во претпријатието, настанати со недомаќинското работење на менаџментот со барање за разрешување на директорот на претпријатието.